චීනය රුසියාවේ “වඩාත්ම බලවත් උපායමාර්ගික හවුල්කරු” බව රුසියානු සෘජු ආයෝජන අරමුදල (RDIF) ප්රධානියා සහ ක්රෙම්ලිනයේ ආයෝජන නියෝජිත කිරිල් දිමිත්රිව් ප්රකාශ කර තිබේ.
චීනයේ බීජිං නගරයේ ට්සිංහුවා විශ්වවිද්යාලයේදී මාධ්යවේදීන් අමතමින් ඔහු සඳහන් කළේ රුසියාව සහ චීනය කෘත්රිම බුද්ධිය (AI), ප්රවාහන පද්ධති (Logistics) සහ යටිතල පහසුකම් (Infrastructure) වැනි ක්ෂේත්රවල සමීප සහයෝගීතාවක් පවත්වාගෙන යන බවයි.
රුසියාවට විශාල ස්වාභාවික සම්පත් සංචිත සහ අඩු වියදම් ශක්ති සැපයුමක් තිබෙන බැවින් AI සංවර්ධනය සඳහා එය විශාල වාසියක් බව ඔහු කියා සිටියේය. රුසියාවට AI ක්රියාත්මක කිරීම සඳහා ලොව අඩුම බලශක්ති පිරිවැය ලබා දිය හැකි බවද ඔහු පෙන්වා දුන්නේය.
එමෙන්ම චීනයේ නිර්මාණය කළ “DeepSeek” AI තාක්ෂණය ලෝක AI ක්ෂේත්රයේ විප්ලවයක් ඇති කළ බවත්, එය සමහර රටවල් තාක්ෂණික ඒකාධිකාරයක් ගොඩනැගීමට කළ උත්සාහයන් බිඳ දැමූ බවත් දිමිත්රිව් ප්රකාශ කළේය.
ඔහු තවදුරටත් සඳහන් කළේ චීනය සහ “ගෝලීය දකුණ” (Global South) දැන් ලෝක ආර්ථික වර්ධනයේ ප්රධාන බලවේග බවයි.
