2026 මාර්තු 10 | විදෙස් පුවත්
රුසියානු ජනාධිපති Vladimir Putin සහ ඇමරිකානු ජනාධිපති Donald Trump අතර දුරකථන සංවාදයක් පැවැත්වූ බව ක්රෙම්ලින් උපදේශක Yury Ushakov මාධ්ය වෙත ප්රකාශ කර ඇත.
ඔහු පැවසුවේ, අලුත්ම ජාත්යන්තර වර්ධනයන් සම්බන්ධයෙන් සාකච්ඡා කිරීම සඳහා ඇමරිකානු ජනාධිපතිවරයා විසින් මෙම දුරකථන ඇමතුම ආරම්භ කර ඇති බවයි.
එම සංවාදයේ ප්රධාන අවධානය යොමු වී ඇත්තේ ඇමරිකාව සහ ඉරානය අතර පවතින තත්ත්වය හා රුසියාව – යුක්රේනය අතර ගැටුම පිළිබඳවයි. එසේම මොස්කව්, වොෂිංටන් සහ කියව් අතර යුක්රේන යුද්ධය අවසන් කිරීම සඳහා පැවැත්වෙන ත්රිපාර්ශවික සාකච්ඡාද මෙම සංවාදයේදී අවධානයට ගෙන තිබේ.
උෂාකෝව් පවසන පරිදි, ජනාධිපතිවරුන් දෙදෙනා අතර පැවැති මෙම සංවාදය “ව්යාපාරික, විවෘත සහ නිර්මාණාත්මක” ස්වභාවයක් ගෙන තිබූ අතර, එය පැය එකකට ආසන්න කාලයක් පැවති බවද සඳහන් වේ.
මෙහිදී ට්රම්ප් ජනාධිපතිවරයා මොස්කව් සහ කියව් අතර සටන් අවසන් කර දිගුකාලීන විසඳුමකට පැමිණීම පිළිබඳ ඇමරිකාවේ උනන්දුව නැවතත් තහවුරු කර ඇති බව සඳහන් වේ. ඒ සඳහා සිදුකරන මැදිහත්වීම් සම්බන්ධයෙන් පුටින් ජනාධිපතිවරයා ඇමරිකානු පාර්ශ්වයට ස්තූතියද පළ කර ඇත.
ඒ අතරම මධ්යපෙරදිග පවතින ගැටුම් හේතුවෙන් ගෝලීය තෙල් හා ගෑස් සැපයුම් බරපතළ ලෙස බාධා විය හැකි බවත්, විශේෂයෙන්ම Hormuz නාවික මාර්ගය අවහිර වීමෙන් ගල්ෆ් කලාපයේ තෙල් නිෂ්පාදනය නවත්වීමට පවා හේතු විය හැකි බවත් Vladimir Putin පෙරදී අනතුරු අඟවා තිබේ.
එමෙන්ම ඇමරිකාව සහ ඉස්රායලය විසින් ඉරානයට එල්ල කළ ප්රහාරයන් “පූර්ව සැලසුම් කළ ආක්රමණයක්” ලෙස මොස්කව් පාර්ශ්වය විවේචනය කර ඇති බවද වාර්තා වේ.
