ඇමරිකාව ප්රථම වරට යුද ප්රහාරයකට භාවිත කළ "Corsair" මුහුදු ඩ්රෝන යානය
ඇමරිකානු හමුදාව ඉතිහාසයේ ප්රථම වරට මිනිසුන් රහිත මුහුදු යානා (Unmanned Surface Vessel - USV) සෘජු ප්රහාරක මෙහෙයුමකට යොදාගෙන තිබේ. ඇමරිකානු මධ්යම විධානය (CENTCOM) පවසන්නේ Saronic Technologies සමාගම නිපදවූ Corsair USV යානා තුනක් භාවිත කරමින් ඉරානයේ බන්ඩර් අබ්බාස් (Bandar Abbas) නාවික කඳවුරේ සබ්මැරීන් සහ නෞකා නඩත්තු පහසුකමක් ඉලක්ක කර ප්රහාරයක් එල්ල කළ බවයි.
මෙම මෙහෙයුම, ඇමරිකානු හමුදාව විසින් මිනිසුන් රහිත මුහුදු ඩ්රෝන යානා ප්රහාරක අවියක් ලෙස භාවිත කළ පළමු අවස්ථාව ලෙස සැලකේ.
Saronic Corsair USV යනු කුමක්ද?
Saronic Technologies සමාගම නිපදවන Corsair යනු දුරස්ථව පාලනය කළ හැකි හෝ ස්වයංක්රීයව ක්රියාකරන නවීන Unmanned Surface Vessel (USV) වර්ගයේ නාවික වේදිකාවකි. සමාගමේ දත්ත අනුව එහි ප්රධාන හැකියාවන් මෙසේය:
- දිග අඩි 24 (මීටර් 7.3 පමණ)
- උපරිම වේගය නොට් 35ට වැඩි
- සැතපුම් 1,000කට වැඩි (නාවික සැතපුම්) ක්රියාකාරී පරාසය
- රාත්තල් 1,000ක පමණ බරක් රැගෙන යාමේ හැකියාව
- ස්වයංක්රීය සංචාලන පද්ධති සහ දුරස්ථ මෙහෙයුම් හැකියාව
මෙම යානා නිරීක්ෂණ, බුද්ධි තොරතුරු රැස් කිරීම, මුහුදු ආරක්ෂාව, සැපයුම් මෙහෙයුම් සහ අවශ්ය විට ප්රහාරක මෙහෙයුම් සඳහා භාවිත කළ හැකි ලෙස නිර්මාණය කර ඇත.
මෙම නව මෙහෙයුමෙන් පෙනී යන්නේ, අනාගත නාවික යුද්ධවලදී මිනිසුන් රහිත ස්වයංක්රීය මුහුදු පද්ධති වඩාත් ප්රමුඛ භූමිකාවක් ඉටු කිරීමට නියමිත බවයි
