මීගමුව බන්ධානාගාරය තුල ඇති වූ කළහකාරී තත්ත්වය සම්බන්ධව පොලිසිය විසින් නිකුත් කර ඇති මාධ්ය නිවේදනයක් මෙහි දැක්වෙයි.
2026.07.05 දින මීගමුව බන්ධනාගාරය තුලදී මත්ද්රව්ය ජාවාරමට සම්බන්ධ පිරිසක් හා මත්ද්රව්ය ජාවාරමට විරෝධය දක්වන රැඳවියන් පිරිසක් අතර කළහකාරී තත්ත්වයක් ඇති වී ඇත. ඒ හේතුවෙන් දෙපාර්ශවයේම රැඳවියන් තුවාල ලබා මීගමුව රෝහලට ඇතුලත් කර ඇති අතර ඉන් රැඳවියන් දෙදෙනෙකු මියයාම සම්බන්ධයෙන් මීගමුව පොලිස් ස්ථානය මඟින් විමර්ශන ආරම්භ කර ඇත. එසේම එම සිද්ධිය හේතුවෙන් බන්ධනාගාරය අවට ආරක්ෂාව තර කිරීමටද පොලිසිය කටයුතු කර ඇත.
2026.07.06 දින නැවතත් බන්ධනාගාර නිලධාරින් රාජකාරි නිරතව සිටියදී බන්ධනාගාර නිලධාරින්ගේ රාජකාරියට බාධා කර පහරදීම හේතුවෙන් නැවත ගැටුමක් ඇති වී ඇති අතර එම ගැටුම උත්සන්න වී බන්ධනාගාර නිලධාරීන් හා රැඳවියන් තුවාල ලබා රෝහල් ගත කර ඇති අතර එම ගැටුමෙන් නිලධාරින් හා රැඳවියන් පිරිසක් මරණයට පත්ව ඇත.
එම කළහකාරී තත්ත්වය පාලනය කර ගැනීම සඳහා බන්ධනාගාර නිලධාරින් කරන ලද ඉල්ලීම අනුව පොලිසිය සහ පොලිස් විශේෂ කාර්ය බලකායේ නිලධාරින් බන්ධනාගාර නිලධාරින් හට ගැටුම පාලනය කර ගැනීමට අවශ්ය සහය ලබාදෙන ලදී. ඒ අනුව බන්ධනාගාරය තුල ඇති වී තිබූ කළහකාරී තත්ත්වය පාලනය කර ඇත.
