Benjamin Netanyahu සහ ඇමරිකානු ජනාධිපති Donald Trump අතර ඉරානයේ යුද්ධය අවසන් කිරීම සඳහා නව යෝජනාවක් පිළිබඳව පැවති දුරකථන සංවාදයකින් පසු දැඩි ආතතිකාරී තත්ත්වයක් ඇතිවූ බව Axios මාධ්යය වාර්තා කර තිබේ.
වාර්තාවට අනුව, ට්රම්ප් විසින් ඉරානයට එල්ල කිරීමට සැලසුම් කර තිබූ “විශාල ප්රහාරයක්” ප්රමාද කිරීමෙන් අනතුරුව මෙම සංවාදය පැවැත්වී ඇත. ගල්ෆ් කලාපීය නායකයන් රාජ්යතාන්ත්රික උත්සාහයන් සඳහා වැඩි කාලයක් ලබා දෙන ලෙස ඉල්ලීමක් කළ බවද සඳහන් වේ.
එක් ඇමරිකානු ආරංචි මාර්ගයක් පවසා ඇත්තේ, මෙම සංවාදයෙන් පසු නෙතන්යාහු දැඩි කෝපයට පත්ව සිටි බවයි.
ට්රම්ප් පසුව මාධ්ය වෙත අදහස් දක්වමින් ප්රකාශ කළේ, ඇමරිකාව සහ Iran “සාම ගිවිසුමක් සහ යුද්ධයක් අතර සීමාවක” සිටින බවයි.
ඔහු වැඩිදුරටත් කියා සිටියේ:
“ගිවිසුමක් ඇති කරගන්න. නැතිනම් අපි ටිකක් දැඩි පියවර ගන්නවා.”
Axios වාර්තාවට අනුව, නෙතන්යාහු සාකච්ඡා සම්බන්ධයෙන් දැඩි සැකයකින් පසුවන අතර, ඉරානයේ හමුදා හැකියාවන් තවදුරටත් දුර්වල කිරීම සඳහා යුද්ධය නැවත ආරම්භ කිරීමට කැමැත්තෙන් සිටින බව සඳහන් වේ.
කෙසේ වෙතත්, ට්රම්ප් පවසා ඇත්තේ, “ඉරානය සම්බන්ධයෙන් නෙතන්යාහු මට අවශ්ය දේ කරයි” යනුවෙන් වන අතර, තමන් සහ ඊශ්රායල් අගමැතිවරයා අතර හොඳ සබඳතාවක් පවතින බවද ඔහු අවධාරණය කර තිබේ.
මේ අතර, සාම උත්සාහයන් යටතේ ඇමරිකාව සහ ඉරානය අතර “අභිප්රාය ලිපියක්” (Letter of Intent) අත්සන් කර දින 30ක සාකච්ඡා කාලයක් ආරම්භ කිරීමේ යෝජනාවක්ද සලකා බලමින් පවතින බව වාර්තා වේ.
ඉරාන ජනාධිපති Masoud Pezeshkian පවසා ඇත්තේ,
“සංවාදය යනු යටත්වීමක් නොවේ.”
එමෙන්ම, ජනතාවගේ සහ රටේ නීත්යානුකූල අයිතිවාසිකම් සම්බන්ධයෙන් ඉරානය පසුබැස නොයන බවද ඔහු අවධාරණය කර තිබේ.
